Экалагічнае свята "Жураўлі і журавіны Міёрскага краю"

Экалагічнае свята "Жураўлі і журавіны Міёрскага краю" праводзіцца на Міёршчыне штогод у верасні, пачынаючы з 2012 года.

 

Месца і час правядзення незвычайнага свята абраныя нездарма: менавіта ў верасні пачынаецца сезон збору журавін, а па запасах гэтых ягад мясцовае балота Ельня займае першае месца ў Беларусі. Акрамя гэтага, Міёршчына штогод прымае ў госці больш за 35000 шэрых жураўлёў і дзясяткі тысяч гусей розных відаў, якія спыняюцца на адпачынак на балоце і навакольных палях падчас восеньскай міграцыі.

 

У праграме свята - бясплатнае наведванне экалагічнага візіт-цэнтра заказніка "Ельня", назіранні за жураўлямі, майстар-класы па традыцыйных народных рамёствах, выраб экалагічных сувеніраў, роспіс пернікаў з выявамі журавін і жураўля, продаж журавін і журавінных прысмакаў і шмат іншых цікавостак!

 

4G3A8332 large 

ФОТО 2042

 

4G3A8315

 

ФОТО 1892

 

4G3A8397

 

4G3A8571 1

 

Сардэчна запрашаем вас на свята ў верасні 2021 года!

 

Экалагічнае свята "Жураўлі і журавіны Міёрскага краю" ў 2019 - 2020 гг. праведзена ў рамках праекта "Разам для грамады і прыроды: узмацненне працэсу развіцця ў Міёрскім раёне праз супрацоўніцтва мясцовай улады і грамадзянскай супольнасці" пры фінансавай падтрымцы Еўрапейскага саюза.

 

Падрабязней:

 

Фота Юрыя Струкава і Казіміра Блажэвіча