Запрашаем прыняць удзел у першым у гісторыі Міёршчыны велапрабегу!

Дарагія сябры!

Запрашаем вас прыняць удзел у першым у гісторыі Міёршчыны велапрабегу! Наш велапрабег - гэта не толькі актыўны адпачынак і свежае паветра, але і знаёмства з галоўнымі славутасцямі Міёрскага краю!

Хто можа прыняць удзел у велапрабегу?

Усе жадаючыя жыхары і госці Міёрскага раёна ад 14 гадоў.

Калі?

Велапрабег адбудзецца з 20 ліпеня па 2 жніўня 2020 г.

Умовы правядзення велапрабегу

Велапрабег ажыццяўляецца ўдзельнікамі ў індывідуальным парадку. Кожны з удзельнікаў самастойна вызначае дату правядзення велапрабегу, час і маршрут. Удзельнічаць у велапрабегу можна як адзін дзень, так і некалькі. Для фіксацыі пройдзенага шляху можна выкарыстоўваць мабільныя прыкладання для веласіпедыстаў (GuruMaps, Helisty, Strava і т.д.), альбо фота- і (ці) відэафіксацыю.

Падчас велапрабегу ўдзельнікі могуць наведваць славутасці раёна, прапанаваныя Праектным офісам, а таксама іншыя месцы, якія на думку ўдзельнікаў з'яўляюцца славутасцямі.

Матэрыялы, якія пацвярджаюць удзел у велапрабегу, перадаюцца ў Праектны офіс для іх аналізу і вызначэння пераможцаў. Перадача матэрыялаў ажыццяўляецца па электроннай пошце на адрас Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. ці непасрэдна ў Праектны офіс 23, 30 ліпеня або 5 жніўня 2020 года з 8.00 да 17.00 гадзін.

Увага! Наведванне славутасцяў раёна не абавязковае патрабаванне для ўдзелу ў велапрабегу, гэта неабходна для ўдзельнікаў, якія жадаюць перамагчы ў намінацыі "Найбольшая колькасць наведаных славутасцяў раёна".

Узнагароджанне пераможцаў і ўручэнне сертыфікатаў

Усім удзельнікам велапрабегу будуць уручаныя сертыфікаты ўдзельнікаў.

Узнагароджанне ўдзельнікаў велапрабегу будзе праходзіць у наступных намінацыях:

• найбольш працяглы маршрут велапрабегу;
• самы доўгі час велапрабегу;
• найбольшая колькасць наведаных населеных пунктаў раёна;
• найбольшая колькасць наведаных славутасцяў раёна;
• самы ўзроставы ўдзельнік велапрабегу;
• самая ўзроставая ўдзельніца велапрабегу;
• самы малады ўдзельнік велапрабегу;
• самая маладая ўдзельніца велапрабегу;
• самае цікавае фота велапрабегу.

Пераможцы ў прадстаўленых намінацыях будуць узнагароджаныя памятнымі сувенірамі.

Як прыняць удзел?

Заяўкі на ўдзел у велапрабегу прымаюцца Праектным офісам на адрас электроннай пошты Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. у тэрмін да 17.00 19 ліпеня 2020 г. Форму заяўкі шукайце ў Палажэнні аб правядзенні велапрабегу.

Азнаёміцца з Палажэннем аб правядзенні велапрабегу можна па спасылцы.

Пры ўзнікненні арганізацыйных і іншых пытанняў звяртайцеся да тэматычнага каардынатара па развіцці спорту Уладзіслава Уткіна па тэл. + 375 (29) 511 93 61.