Запрашаем на трэнінг па правядзенні экалагічнага свята "Жураўлі і журавіны Міёрскага краю"

Дата і час правядзення трэнінгу: 13 ліпеня 2021 г., 10.00
Месца правядзення: Міёрская раённая цэнтральная бібліятэка (г. Міёры, вул. Дзяржынскага, 6)

Трэнінг накіраваны на навучанне жыхароў Міёрскага раёна, прадстаўнікоў сферы культуры, адукацыі, бізнэсу, аграэкасядзіб, недзяржаўных і дзяржаўных аб'яднанняў. Атрыманыя веды будуць выкарыстаныя пры падрыхтоўцы, арганізацыі і правядзенні 10-га экалагічнага свята "Жураўлі і журавіны Міёрскага краю" з актыўным удзелам мясцовай супольнасці, аб'яднанняў і арганізацый.

Праграма мерапрыемства:

09.30 - 10.00 Рэгістрацыя ўдзельнікаў трэнінгу.

10.00 - 10.10 Адкрыццё трэнінгу. 

10.10 - 11.00 SWOT-аналіз экалагічнага свята "Жураўлі і журавіны Міёрскага краю", якое прайшло ў 2020 годдзе (работа ў групах).

Надзея Дударонак, мясцовы каардынатар праекта

11.00 - 11.20 Размінка "Моцныя бакі каманднага ўяўлення".

Алена Котава, эксперт

11.20 - 12.00 Лекцыя "Форма, назва і змест - суцэльныя кампаненты свята".

Алена Котава, эксперт

12.00 - 13.00 Абед (кафэ "Чайка").

13.00 - 13.30 Бяседа "Экалогія - інвестыцыя ў будучыню. Ключавыя элементы папулярных экафестываляў і святаў як інструмент прынцыпаў устойлівасці".

Алена Котава, эксперт

13.30 - 15.30 Мазгавы штурм "Ад новых ідэй свята да ўвасаблення іх у рэальнасць".

Эксперты

15.30 - 16.00 Падвядзенне вынікаў, фіксацыя практычных элементаў свята.

Надзея Дударонак, мясцовы каардынатар праекта

Алена Котава, эксперт

Для таго, каб прыняць удзел у трэнінгу, неабходна запоўніць анлайн-заяўку. Па ўсіх пытаннях звяртайцеся на пошту праекта Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з пазнакай "Трэнінг 13 ліпеня".

Трэнінг па правядзенні экалагічнага свята "Жураўлі і журавіны Міёрскага краю" пройдзе ў рамках праекта "Разам для грамады і прыроды: узмацненне працэсу развіцця ў Міёрскім раёне праз супрацоўніцтва мясцовай улады і грамадзянскай супольнасці", які фінансуецца Еўрапейскім саюзам і рэалізуецца Міёрскім раённым выканаўчым камітэтам, ГА "Ахова птушак Бацькаўшчыны" і Латвійскім сельскім форумам.