Сацыяльная інфраструктура

Кампанент “Сацыяльная інфраструктура” ўключае ў сябе мноства розных напрамкаў у рамках праекта.

 

Правядзенне свята “Жураўлі і журавіны Міёрскага краю” і мясцовых святаў у Дзісне і Пераброддзі павышае турыстычную прывабнасць рэгіёна як экалагічна чыстай тэрыторыі і папулярнага напрамку для зацікаўленых мясцовай прыродай турыстаў, экатурыстаў, бёрдвотчараў і г.д. З гэтай мэтай у рамках дзейнасці праекта будзе праведзена рэалізацыя брэндынгавай кампаніі "Жураўлі і журавіны Міёрскага краю", якая будзе ўключаць распрацоўку брэнда раёна , прасторавы дызайн, брэндзіраванне прадукцыі і паслуг раёна. Прагназуемыя вынікі гэтых мерапрыемстваў: ажыўленне эканамічнай дзейнасці і жыцця раёна; развіццё і стымуляванне малога прадпрымальніцтва; рэклама тавараў з рэгіёна і мясцовых рамёстваў. Запланаваныя сумесныя дзеянні падчас арганізацыі мясцовых святаў дапамогуць наладзіць дыялог паміж мясцовай уладай і грамадскасцю рэгіёна, будуць садзейнічаць развіццю культурнага і крэатыўнага сектараў, павышэнню іх ролі ва ўстойлівым развіцці раёна.

 

У ходзе рэалізацыі Праекта прадугледжана правядзенне 15 семінараў і трэнінгаў па пытаннях распрацоўкі і ўкаранення Стратэгіі ўстойлівага развіцця рэгіёна, развіцця на аснове мясцовых рэсурсаў, абмеркаванне гендэрных праблем, брэндынгу.

 

Для прыцягнення моладзі да распрацоўкі Стратэгіі ўстойлівага развіцця рэгіёна ў летні перыяд будзе арганізавана работа школьнага лагера для навучэнцаў старэйшых класаў і 9 сустрэч з навучэнцамі ўстаноў адукацыі раёна. Асноўным відам дзейнасці ў ходзе дадзеных мерапрыемстваў стане метад "мазгавога штурму" і моладзевы парламент, якія дапамогуць вызначыць асноўныя напрамкі Стратэгіі ўстойлівага развіцця рэгіёна, зыходзячы з інтарэсаў і запатрабаванняў моладзі.